СКЛОПИ ГО МОЗАИКОТ
За идните архитекти, дизајнери, градежници, уметници, мозаикот како техника е предизвик од секој аспект.
Работилниците за мозаик се дел од нашиот проект за подигање на свеста кај младите за мозаикот како уметнички занает, култура и традиција и мозаикот како алатка за развивање на вештините.
Nature Expedition со овие работилници го започна проектот за поддршка на развојот на вештините кај децата и возрасните, развој на моторните функции и интелектуалните капацитети.
Работилниците ги прилагодуваме за деца од различна возраст, за помалите деца од 5-7 години – мозаик од хартија и за повозрасните- мозаик од кршени керамички плочки и мозаик од каменчиња.
Во рамки на работилниците организираме и презентации за историјата на мозаикот, за мозаикот како алатка во другите сфери на животот со цел преку мултидисциплинарен пристап до знаење и развој на едукативните капацитети.
Во оваа забавна мозаична авантура, љубопитноста и фокусот се неизбежни, склопен е мозаикот, а нашиот мозаик е секогаш склопен кога ќе ги видиме насмевките и среќни лица на мозаичарите.